तो निवांत झोपला होता, 4 लोक घरात घुसले, चोरी सोडून कापलं त्याचं गुप्तांग, इतकंच नाही पुढे...

पीडित व्यक्ती सध्या मेरठच्या रुग्णालयात दाखल आहे. पीडित व्यक्तीच्या मुलाने पोलीस ठाण्यात लेखी तक्रार दिली आहे. मुलाने तक्रारीत म्हटलं आहे की, '28 फेब्रुवारीच्या रात्री 11-12 च्या सुमारास तीन-चार लोकं माझ्या वडिलांच्या खोलीत घुसले आणि त्यांना पकडून काहीतरी वास देऊन बेशुद्ध केलं. त्यानंतर त्यांनी माझ्या वडिलांचे गुप्तांग आणि वृषण हत्येच्या उद्देशाने कापले. त्यानंतर त्यांनी माझ्या वडिलांच्या अंगावर गरम पाणी टाकून त्यांना शुद्धीवर आणलं. यानंतर त्या गुन्हेगारांनी फोनवर बोलून पारो गुरु, काम झालं, असं म्हटलं. यानंतर ते गुन्हेगार गुप्तांग आणि वृषण घेऊन पळून गेले.'

जेव्हा पीडित व्यक्ती वेदनेने विव्हळू लागला, तेव्हा शेजाऱ्यांनी किंकाळ्या ऐकून घटनास्थळी धाव घेतली आणि नंतर त्यांनी कुटुंबीय आणि पोलिसांना घटनेची माहिती दिली. यानंतर पीडित व्यक्तीला तातडीने रुग्णालयात नेण्यात आलं. पीडित व्यक्तीच्या मुलाने आरोप केला आहे की, तृतीयपंथी पारोने आपल्या साथीदारांकडून हे कृत्य घडवून आणलं आहे, ज्यामुळे त्याचे वडील कधीही सामान्य जीवन जगू शकणार नाहीत. पीडित व्यक्तीच्या मुलाने पोलिसांकडे आरोपींवर कठोर कारवाई करण्याची मागणी केली आहे. त्याचवेळी, या घटनेमुळे खळबळ उडाली आहे.