Haldwani Violence : सगळं ठरलेलं होतं, हल्द्वानी हिंसाचाराची मोठी बातमी, पोलिसांनी केला नवीन दावा

हल्द्वानी : उत्तराखंडमधील हल्द्वानी इथे बेकायदेशीर मशीद-मदरशावर स्थानिक प्रशासनाने चालवलेल्या बुलडोझर चालवल्यामुळे हिंसाचार उसळला आहे. हल्द्वानीमधील बनभूलपुरा परिसरात गुरुवारी नगर पालिकेकडून जेसीबी लावून बेकायदेशीर मशीद आणि मदरसा पाडण्यात आला. त्यानंतर हिंसाचार उसळला आणि त्याने बघताबघता दंगलसदृश परिस्थिती निर्माण झाली. त्यामुळे शहराला सध्या छावणीचं रुप आलं असून, कर्फ्यू लावण्यात आला आहे. या घटनेत दोन लोकांचा मृत्यू झाला आहे आणि कित्येक जण जखमी झाले आहेत. आता प्रशासनाकडून या प्रकरणी महत्त्वाचा खुलासा करण्यात आला आहे. या खुलाशातून या सगळ्या प्रकरणामागे एक मोठा पूर्वनियोजित कट असल्याचं स्पष्ट झालं आहे. हा कट असल्याचं सिद्ध करणारे काही पुरावेही प्रशासनाकडून समोर ठेवण्यात आले आहेत.