Kolhapur Crime : 'घरासमोर का शिंकला?', म्हणत शेजाऱ्यांवर विळ्याने वार, नवरा-बायकोवर गुन्हा, कोल्हापूरात खळबळ!

बुधवारी (दि. 10) सकाळी सव्वाआठच्या सुमारास ही घटना विंचवाचा माळ परिसरात घडली. फिर्यादी अजय बाबूराव माने यांनी दिलेल्या माहितीनुसार, त्यांची आई घराबाहेर उभी असताना शिंकली. ही गोष्ट समोरच्या घरात राहणाऱ्या नारायण कृष्णात माने यांना आवडली नाही. 'माझ्या घरासमोर का शिंकला?' असा जाब विचारत त्यांनी विळा घेऊन अजय यांच्या आईवर धाव घेतली.

त्यावेळी, अजय यांचे काका राजाराम माने आणि भाऊ रविराज माने मध्यस्थी करायला गेले. मात्र, नारायण माने आणि त्यांची पत्नी संगीता माने यांनी या दोघांवरही विळ्याने हल्ला केला. तसेच त्यांना मारहाणही केली. या घटनेनंतर अजय माने यांनी करवीर पोलीस ठाण्यात फिर्याद दाखल केली असून, पोलिसांनी नारायण आणि संगीता माने या दांपत्यावर गुन्हा दाखल केला आहे.

हे ही वाचा : 77 तोळं सोनं, अडीच लाखांची रोकड, कोट्यवधींची मालमत्ता! बंडू आंदेकरच्या घरावर छापा, काय काय सापडलं?