'सर्व सोडून जात आहेत...', अमिताभ बच्चन भावूक, व्यक्त केलं दु:ख
- Published by:Manjiri Pokharkar
Last Updated:
Amitabh Bachchan : अमिताभ बच्चन यांनी दिग्गज अभिनेत्री कामिनी कौशल यांच्या निधनावर भावूक ब्लॉग शेअर केला आहे.
Amitabh Bachchan : बॉलिवूडचे दोन दिग्गज कलाकार धर्मेंद्र आणि प्रेम चोप्रा नुकतेच प्रकृतीच्या कारणाने रुग्णालयात दाखल झाले होते. अशातच ज्येष्ठ अभिनेत्री कामिनी कौशल यांचे निधन झाले. बॉलिवूडमध्ये काही काळ चिंतेचे वातावरण होते. या चितेंच्या बातम्यांमुळे अमिताभ बच्चनदेखील दुखी झाले होते. कामिनी कौशल यांच्या निधनाने बिग बींना मोठा धक्का बसला आहे. कामिनी कौशल यांनी वयाच्या 98 व्या वर्षी जगाचा निरोप घेतला. दरम्यान आता अमिताभ बच्चन यांनी भावूक ब्लॉगच्या माध्यमातून कामिनी यांच्या निधनावर शोक व्यक्त केला आहे.
अमिताभ बच्चन यांचं कामिनी कौशल यांच्यासोबत होतं खास नातं
अमिताभ बच्चन यांनी आपल्या ब्लॉगमध्ये सांगितले की कामिनी कौशल यांचा त्यांच्या कुटुंबाशी खास संबंध होता. अभिनेत्रीच्या निधनाबद्दल शोक व्यक्त करताना बिग बी यांनी लिहिले,"…आणखी एक हानी… जुन्या काळातील एक प्रिय कौटुंबिक मित्र... कामिनी कौशल जी… एक महान कलाकार, आदर्श व्यक्तिमत्त्व ज्यांनी मोठं योगदान दिलं आहे आणि शेवटच्या श्वासापर्यंत त्या आमच्यासोबत होत्या. फार पूर्वीपासून त्यांचे आणि आमचे कौटुंबिक संबंध आहेत".
advertisement
अमिताभ बच्चन यांच्याकडून शोक व्यक्त
अमिताभ बच्चन यांनी ब्लॉगमध्ये हे देखील सांगितले की कामिनी कौशल त्यांच्या कुटुंबाशी खूप जवळच्या होत्या. त्यांनी लिहिले,"कामिनी जींची मोठी बहीण आईची खूप जवळची मैत्रीण होती… त्या क्लासमेट होत्या आणि एका विचारधारेच्या होत्या. अत्यंत हसतमुख मैत्रिणी होत्या… मोठ्या बहिणीचे एका अपघातात दुःखद निधन झाले आणि त्या काळातील परंपरेनुसार, अशा दुर्दैवी परिस्थितीत, मृत व्यक्तीच्या बहिणीचा विवाह त्यांच्या दुःखद पतीशी करून दिला जात असे…".
advertisement
अमिताभ बच्चन यांनी हा एक दु:खद क्षण असल्याचे सांगितले आहे. त्यांनी आपल्या पोस्टच्या शेवटी लिहिले,"एक अत्यंत हसतमुख, प्रेमळ आणि प्रतिभावान कलाकार, 98 व्या वर्षी आपल्याला सोडून गेल्या. एक काळ संपला. फक्त चित्रपटसृष्टीसाठीच नाही, तर मित्रपरिवारासाठीही. एक-एक करून हे सर्व आपल्याला सोडून जात आहेत. एक अत्यंत दु:खद क्षण, जो आता फक्त संवेदनांनी भरलेला आहे. त्यांचा अभिनय आता फक्त आठवणींचा भाग राहिला आहे".
advertisement
कामिनी कौशल यांचे चित्रपट
view commentsकामिनी कौशल यांनी 40 व्या दशकात अभिनय क्षेत्रात पाऊल ठेवले आणि 40 ते 70 च्या दशकात त्या आपल्या करिअरच्या शिखरावर होत्या. त्यांनी आपल्या करिअरमध्ये राज कपूर, देव आनंद, राज कुमार, धर्मेंद्र पासून ते दिलीप कुमारसारख्या कलाकारांसोबत काम केले. शेवटच्या वेळी त्यांना आमिर खान आणि करीना कपूर यांच्या 'लाल सिंह चड्ढा' या चित्रपटात पाहायला मिळाले. 2022 मध्ये हा चित्रपट रिलीज झाला होता.
Location :
Mumbai,Maharashtra
First Published :
November 16, 2025 4:00 PM IST
