एकावेळी किती पाणीपुरी खाऊ शकते, अभिनेत्री अनुष्का पिंपुटकरनं काय सांगितलं, VIDEO

मुंबई - आयुष्याचा समतोल साधायचा असेल तर दोन परस्परविरुध्द, भिन्न स्वभावाची व्यक्तिमत्त्व एकत्र असणे ही देखील सहजीवनाची गरज असते. अशीच सहजीवनाची ही गंमत उलगडणारा ‘लज्जतदार नात्यांची चटकदार गोष्ट’ सांगणारा पाणीपुरी हा चित्रपट येत्या 15 नोव्हेंबरला चित्रपटगृहात दाखल होणार आहे.

चित्रपटाच्या निमित्ताने अनुष्का पिंपुटकर आणि प्रतीक्षा जाधव यांच्यासोबत लोकल18 च्या टीमने विशेष संवाद साधला. यावेळी दोघींनी सांगितले की, आमच्या सिनेमाचं शूट फक्त 20 दिवसांचे होते. पण या 20 दिवसांमध्ये देखील आमची खूप छान मैत्री झाली. पाणीपुरीच्या प्रेमाबद्दल सांगताना अनुष्का म्हणाली की "मी एका वेळी 20 पेक्षा जास्त पाणीपुरी खाऊ शकते, तसेच प्रतीक्षा म्हणाली की, प्रत्येक स्त्री असो वा पुरुष पाणीपुरी हा प्रत्येकाच्या जिव्हाळ्याचा विषय आहे. यावेळी दोघींनी पाणीपुरी या विषयावर भरभरुन गप्पा मारल्या.