बांगलादेश संघर्षात शेख हसीना यांच्या जवळच्या व्यक्तीचं निधन, घरात घुसून लावली आग

शेख हसीना यांनी बांगलादेशातून पलायन केल्यानंतर तेथील हिंसा, लुटमार आणि जाळपोळीच्या घटना होत आहेत. हसीना यांचे निकटवर्तीय फिल्म प्रोड्युसर सलीम खान आणि त्यांचा मुलगा शान्तो खान यांची संतप्त जमावाने हत्या केली आहे. बांगलादेशातील सिनेक्षेत्राला त्यामुळे मोठा धक्का बसला आहे. सलीम खान आणि शान्तो खान हे दुपारी घरी जात असताना फरक्काबाद बाजारात संतप्त जमावाच्या नजरेस पडले. त्यावेळी स्वतःकडील बंदुकीतून हवेत गोळी झाडून सलीम यांनी स्वसंरक्षणाचा प्रयत्न केला. मात्र, त्यानंतर जमावाने त्यांच्यावर हल्ला केला आणि त्या दोघांना बेदम मारहाण करून त्यांचा जीव घेतला.‘बांग्ला चलचित्र’ मार्फत सोशल मीडियावरुन या बाबत माहिती देण्यात आली आहे.

( Pushpa 2 : एका हातात कुऱ्हाड, दुसरीकडे पिस्तुल; SP भंवर सिंह गुंडा लुक समोर )