'तिने माझ्या प्रायव्हेट पार्ट्सना...' आधी भर कार्यक्रमात डान्सरला उचलून फेकलं, ट्रोल झाल्यानंतर प्रसिद्ध सिंगरची सारवासारव

व्हायरल झालेल्या व्हिडीओमध्ये धनंजय स्टेजवर गाणं गात असताना अचानक महिला डान्सरला ओढत गर्दीमध्ये फेकण्याचा प्रयत्न करतो. पहिल्यांदा ती महिला स्टेजवरच पडते आणि लगेच ती तिथून पळून जाण्याचा प्रयत्न करते. पण धनंजय त्या महिलेला उचलून घेतो आणि स्टेजसमोरील गर्दीत फेकून देतो. यावेळी धनंजय चांगलाच संतापलेला दिसला.

गर्दीत पडलेल्या महिला डान्सरला लोकांनी सावरलं आणि सुखरुप स्टेजवर पाठवलं. या भयानक प्रकारानंतर कार्यक्रमाच्या होस्टने माइकवरूनच धनंजयला सुनावलं. ती म्हणाली, हे चुकीचं आहे. तुम्ही चुकीचं केलं. काहीही असो, पण ती मुलगी आहे. ती लहान आहे. असं म्हणत तिने धनंजयने केलेल्या कृत्याबद्दल नाराजी व्यक्त केली. हा व्हिडीओ व्हायरल होताच सोशल मीडियावर संतप्त प्रतिक्रिया उमटल्या. काहींनी म्हटलं की अशाच लोकांमुळे महिला सुरक्षित नाही. काहींनी तर धनंजयला अटक करण्याची मागणीही केली. मात्र या घटनेनंतर बिहारमध्ये महिलांच्या सुरक्षेबाबत प्रश्नचिन्ह उभं राहिलं आहे हे नक्की.

दरम्यान, या प्रकरणी आता स्वतः धनंजयने समोर येत त्याची बाजू सावरण्याचा प्रयत्न केला आहे. सोशल मीडियावर एक व्हिडीओ शेअर करत त्याने आपली बाजू मांडली आहे. या व्हिडीओमध्ये धनंजय म्हणाला, "त्या व्हिडीओवरून लोकं मला ट्रोल करत आहेत, पण सत्य कोणालाच माहीत नाही. गाण्याच्या एका सीनमध्ये आम्हाला एकमेकांना धडक मारायची होती, पण त्या डान्सरने मलाच स्टेजवरून खाली ढकलण्याचा प्रयत्न केला. एका मॉडेलने तर मला लाथ मारली आणि माझ्या प्रायव्हेट पार्टला (छातीला) हात लावला. मी तिला स्टेजसमोरील गर्दीत फेकण्याचा प्रयत्न करत नव्हतो. मी फक्त तिला स्टेजवरून बाजूला ढकलत होतो, पण चुकून ती गर्दीत पडली."

धनंजय यावरच थांबला नाही, तर त्याने लवकरच या घटनेचा पूर्ण व्हिडीओ शेअर करणार असल्याचंही सांगितलं आहे. तथापि, घटनेचं गांभीर्य लक्षात घेऊन पोलिसांनी तात्काळ या प्रकरणात हस्तक्षेप केला आहे. मुझफ्फरपूर पोलिसांना या संपूर्ण घटनेची चौकशी करण्याचे आदेश देण्यात आले असून, धनंजय शर्माच्या अडचणी वाढण्याची शक्यता आहे. अशातच धनंजय शर्माने दिलेलं स्पष्टीकरण खरं आहे की त्याने जाणीवपूर्वक हे कृत्य केलं, हे आता पोलीस तपासातच स्पष्ट होईल.