बिग बॉसच्या या स्पर्धकाला भोगावी लागणार त्याच्या कृत्याची शिक्षा; हे ऐकून चाहत्यांना बसेल मोठा धक्का

नुकतेच, बिग बॉस च्या घरात कॅप्टन्सी टास्क पार पडला, यादरम्यान अभिषेक कुमार व समर्थ जुरैल यांच्यात जोरदार भांडण झाले. या लढतीदरम्यान अभिषेकने अनवधानाने समर्थला चापट मारली, त्यामुळे त्याला कर्णधारपदावरून काढून टाकण्यात आले. समर्थ व अभिषेकच्या भांडणादरम्यान ईशा मालवीयने अभिषेकला धक्काबुक्की केली. या घटनेनंतर अभिषेक व ईशामध्ये नवा वाद सुरु झाला. मात्र समर्थच्या कानाखाली मारणं अभिषेकला आता महागात पडणार असल्याचं दिसत आहे.

त्यामुळे आगामी वीकेंड का वार एपिसोडमध्ये अभिषेकलाही घराबाहेर काढले जाऊ शकते असं बोललं जातंय. मात्र, या प्रकरणाला अद्याप अधिकृत दुजोरा देता आलेला नाही. पण जर खरंच असं घडलं तर बिग बॉस 17 च्या चाहत्यांना आणि अभिषेक कुमारच्या चाहत्यांना मोठा धक्का बसू शकतो.

अलीकडेच, सलमान खान शो बिग बॉस 17 दरम्यान, नेहमीप्रमाणे अभिषेक कुमार आणि ईशा मालवीय यांच्यात खूप गोंधळ उडाला. समर्थ जुरेलही या दोघांमध्ये आले आणि त्यांनी अभिषेकला धक्काबुक्की करण्यास सुरुवात केली. प्रकरण इतके वाढले की अभिषेक कुमारचा संयम सुटला आणि समर्थला जोरदार चापट मारली. आता याचाच फटका त्याला बसू शकतो.