'25 वर्षानंतरही शालिनी तरुणच... ' 'सुख म्हणजे नक्की काय असतं' मालिकेच्या नव्या ट्विस्टची प्रेक्षकांनी उडवली खिल्ली

मुंबई : स्टार प्रवाहवरील 'सुख म्हणजे नक्की काय असतं' मालिकेत काही दिवसांपूर्वीच नवं वळण आलं. जयदीप-गौरी च्या लव्हस्टोरीचा अंत झाला पण त्यांचा पुर्नजन्म झाला असून ते नित्या आणि अधिराज या रूपाने पुन्हा भेटले आहेत. नित्या आणि अधिराज ही जोडीही प्रेक्षकांच्या पसंतीस उतरत आहे. मालिकेत नव्या कथानकासोबत अनेक नवी पात्रही भेटीला आली आहेत. मालिकेच्या पहिल्या भागात खलनायिका असलेल्या शालिनीचाही अंत झाला होता, असं प्रेक्षकांना वाटलं. पण तसं नाहीये. शालिनीची या मालिकेच्या नव्या सीझनमध्येही लवकरच एंट्री होणार आहे. शालिनीचा पूर्ण लूक बदललेला पाहायला मिळणार आहे. पण प्रेक्षकांना मालिकेत आलेला हा ट्विस्ट फारसा पसंत पडलेला दिसत नाही. प्रेक्षकांनी मालिकेच्या या नव्या ट्विस्टवर विविध प्रतिक्रिया दिल्या आहेत.