Bigg Bossचेही शब्द फिरवलेस! विशालला घरात राहण्याचा अधिकार आहे का? राकेश बापटची बहीण संतापली

बिग बॉस मराठी 6 च्या घरात तिकिट टू फिनाले टास्कदरम्यान मोठा वाद झाला. या टास्कमध्ये नॉमिनेशनदरम्यान अभिनेता राकेश बापट आणि विशाल कोटियन यांच्यात जोरदार भांडण झालं. हा वाद इतका वाढला की तो थेट हाणामारीपर्यंत पोहोचला. या वादात दोघांनीही एकमेकांच्या वैयक्तिक आयुष्यावर बोट दाखवलं. बिग बॉसच्या घरात वैयक्तिक गोष्टी काढण्यास मनाई असताना ही मर्यादा ओलांडल्यामुळे बिग बॉसही संतापले. नियमांचे उल्लंघन केल्यामुळे बिग बॉसने दोघांनाही शिक्षा सुनावली. विशालच्या वागण्यावर राकेश बापटची बहिण संतापली आहे.