Bigg Boss Marathi 6: बिग बॉस मराठीत काळू डॉनची हवा, पण कुटुंबाचं भयाण वास्तव पाहिलं का? Video
- Reported by:Kale Narayan
- Published by:Shankar Pawar
Last Updated:
Bigg Boss Marathi: वाट्याला आलेली 2 एकर शेतजमीन पोरांच्या इलाजासाठी विकली. 47 वर्षांच्या आयुष्यात पहिल्यांदा पोरांचा एवढा अभिमान वाटला.
जालना: बिग बॉस मराठी या लोकप्रिय कार्यक्रमाच्या 6 व्या भागाला सुरुवात झाली आहे. बिग बॉसच्या घरात प्रवेश मिळवलेल्या सदस्यांपैकी सगळ्यात जास्त चर्चा आहे ती म्हणजे प्रभू शेळके यांची. कालू डॉन नावाने प्रसिद्ध असलेल्या प्रभूच्या हसऱ्या चेहऱ्यामागे दुःखाचा डोंगर आहे. थॅलेसेमिया या अत्यंत दुर्धर आजाराने ग्रस्त असलेल्या प्रभूची घरची परिस्थिती अत्यंत बिकट आहे. तो कुठे राहतो? काय करतो? त्याचे आई-वडील काय करतात? या सगळ्या प्रश्नांची उत्तरं लोकल18 ने थेट त्यांच्या घरी जाऊन जाणून घेतली.
जालना जिल्ह्यातील परतूर तालुक्यातील वलखेड या लहानशा गावात प्रभू राहतो. निमुळत्या गल्लीत दहा बाय दहाची खोली हे त्यांचं घर आहे. घरात आई, वडील, प्रभू आणि त्यांचा 15 वर्षांचा लहान भाऊ सुरज एवढंच कुटुंब. त्यांना एक बहीण असून तिचं लग्न झालं आहे. लहान भाऊ सुरज देखील थॅलेसेमियाग्रस्त आहे.
संभाजीनगर हादरलं! सकाळी शेतात गेला, तो परतालच नाही, माजी सरपंचाच्या मुलासोबत संक्रांतीलाच भयंकर घडलं
advertisement
उपचारासाठी हवेत 50 लाख
“आम्ही दोघं मोबाईलवर व्हीडिओ बनवतो. लोकांना ते आवडतात. आम्हाला थॅलेसेमिया हा आजार आहे. त्यासाठी उपचारांचा खर्च जास्त आहे. एका इंजेक्शनला 25 लाख रुपये लागणार आहेत. दोघांसाठी 50 लाखांची गरज आहे. पण आता तो बिग बॉसमध्ये गेला आहे. आमच्यासाठी एक घर बांधायचं आणि उपचार करायचे, असं त्याचं ध्येय आहे. तो बिग बॉस नक्की जिंकून येईल. त्याचं स्वप्न साकार होईल,” असं सूरज सांगतो.
advertisement
अचानक चक्कर आली अन्...
“आम्ही ऊसतोडीला बाहेर गावी होतो. तेव्हा प्रभूला अचानक चक्कर आली अन तो खाली पडला. अनेक ठिकाणी उपचार घेतले तरी फरक जाणवला नाही. मुंबईतील जे.जे. रुग्णालयात थॅलेसेमियाचं निदान झालं. वाट्याला आलेली 2 एकर शेतजमीन पोरांच्या इलाजासाठी विकली. 47 वर्षांच्या आयुष्यात पहिल्यांदा पोरांचा एवढा अभिमान वाटला,” असं प्रभूचे वडील अशोक शेळके आवंढा गिळत अन् डोळ्यातलं अश्रू पुसत सांगत होते.
advertisement
...तर आमचं नशीब पालटेल
आई सुनिता सांगतात की, “त्यांच्यासाठी खूप केलं. तो तिकडे असताना पण आमची काळजी करतो. माझी काही काळजी करू नकोस. बाकीचे लोक माझी काळजी घेतील. तुम्ही तुमची काळजी घ्या. कुणापुढही हात पसरवू नका.” पोरगं बिग बॉस जिंकलं तर आमचं नशीब पालटेल. मरीआईच्या कृपेने चांगलंच होईल, अशी भावना प्रभूची आई सुनिता व्यक्त करतात.
Location :
Jalna,Maharashtra
First Published :
Jan 14, 2026 12:47 PM IST
मराठी बातम्या/मनोरंजन/
Bigg Boss Marathi 6: बिग बॉस मराठीत काळू डॉनची हवा, पण कुटुंबाचं भयाण वास्तव पाहिलं का? Video
