ना अफेअर, ना डेटिंग! मोहम्मद सिराज आणि जनाई भोसलेच्या नात्याचं सत्य आलं समोर, VIDEO Viral

रक्षाबंधनानिमित्त जनाई भोसलेने एक व्हिडीओ शेअर करून या सर्व चर्चांना पूर्णविराम दिला आहे. जनाई भोसलेने तिच्या सोशल मीडिया अकाउंटवर व्हिडीओ शेअर केला ज्यामध्ये ती मोहम्मद सिराजला राखी बांधताना दिसत आहे. या व्हिडीओमध्ये दोघांचे प्रेम आणि भावा-बहिणीचे पवित्र नाते स्पष्टपणे दिसून येते. जनाईने सिराजच्या मनगटावर राखी बांधल्यानंतर सिराजनेही तिला एक भेटवस्तू दिली.

या व्हिडीओला कॅप्शन देताना जनाईने लिहिले आहे, "हॅप्पी राखी. एक हजारों में... यापेक्षा चांगले काही मागू शकत नाही." जनाई आणि सिराजचा हा व्हिडीओ सध्या सोशल मीडियावर खूप व्हायरल होत आहे.

जनाई ही आशा भोसले यांच्या मुलगा आनंद भोसले आणि अनुजा यांची मुलगी आहे. ती अनेक वेळा आजीबरोबर स्टेजवर दिसते, तसेच पार्ट्यांमध्ये अभिनेत्री आणि बहीण श्रद्धा कपूरसोबतही स्पॉट होते.

सिराजबद्दल बोलायचं झालं तर, इंग्लंड दौऱ्यावर त्याने पाच कसोटी सामन्यांत तब्बल 23 बळी घेतले. ओव्हल कसोटीत त्याचा कहरच पहायला मिळाला. दुसऱ्या डावात पाच आणि एकूण 9 विकेट्स घेत टीम इंडियाला 6 धावांनी थरारक विजय मिळवून दिला.