Dashavatar : 'दशावतार' ऑनलाईन लीक! चित्रपटाच्या टिमची प्रेक्षकांना कळकळीची विनंती; म्हणाले, "मराठी माणसांनी तरी..."

Dashavatar Online Leak : 'दशावतार' हा बहुचर्चित चित्रपट बॉक्स ऑफिसवर दणदणीत कमाई करत आहे. दिवसेंदिवस या चित्रपटाचे स्क्रींग वाढवण्यात येत आहेत. त्यामुळे चित्रपटाच्या कमाईचा आकडादेखील वाढता असल्याचं पाहायला मिळत आहे. अशातच दिलीप प्रभावळकर अभिनीत थिएटर गाजवणारा आणि कोकणातील परंपरेची झलक दाखवणारा हा चित्रपट ऑनलाईन लीक झाला आहे. अखेर चित्रपटाच्या टिमने सोशल मीडियाच्या माध्यमातून सिनेमा चित्रपट लीक न करण्याबाबत प्रेक्षकांना आणि नेटकऱ्यांना विनंती केली आहे. 'दशावतार' या चित्रपटात महत्त्वाच्या भूमिकेत असणारी 'महाराष्ट्राची हास्यजत्रा' फेम प्रियदर्शिनी इंदलकरनेही यासंदर्भात पोस्ट शेअर करत चाहत्यांना कळकळीची विनंती केली आहे.