बांबूच्या झोळीतून 7km चिखल तुडवत पार केला रस्ता; आई वाचली, पण नवजात बाळानं सोडला जीव, कोण जबाबदार?

इच्छागव्हाण येथे पोहोचल्यानंतर त्यांना सरकारी वाहन मिळाले आणि त्यातून मोदलपाडा आरोग्य केंद्रात पोहोचवण्यात आले. पण तोपर्यंत खूप उशीर झाला होता. वैद्यकीय अधिकाऱ्यांनी तपासणी केली असता, बाळाचा आधीच मृत्यू झाल्याचे समोर आले. या घटनेमुळे पालकांनी मोठा आक्रोश केला.

नयामाळ ते इच्छागव्हाण या गावांना जोडणारा रस्ता नसल्यामुळे ग्रामस्थांना आजही अशा परिस्थितीत पायपीट करावी लागते. अनेक वर्षांपासून रस्ता मिळावा अशी मागणी करूनही प्रशासनाकडून कोणतीही कार्यवाही होत नसल्याने नागरिकांनी तीव्र नाराजी व्यक्त केली आहे.