Tea Side Effects : चहाचं आहे व्यसन, पण जिभेवर जाणवतोय 'हा' बदल? डॉक्टरांनी सांगितलं नेमकं कारण

Drinking Tea : आपल्यापैकी बऱ्याच लोकांची सकाळ एका गरम चहाने होते. अनेकांना सकाळी उठताच चहा प्यायची सवय असते. पण काही वेळा आणि काही लोकांसाठी हे पूर्णपणे चुकीचे आहे. झोपेतून उठल्यावर लगेच चहा पिणं किती योग्य आणि किती अयोग्य हे तज्ज्ञांकडून जाणून घेऊ. सकाळी उठल्यावर अनेक लोकांच्या जिभेवर पांढरा थर जमा झालेला दिसतो. हा थर सामान्यतः मृत पेशी, बॅक्टेरिया आणि अन्नाचे कण जमा झाल्यामुळे तयार होतो. अशा वेळी, चहा पिणे योग्य आहे की नाही, असा प्रश्न अनेकांना पडतो. वैद्य सुयोग दांडेकर यांच्या मते, जिभेवर पांढरा थर असताना चहा पिणे पूर्णपणे चुकीचे आहे, अशावेळेस काही गोष्टींची काळजी घेणे आवश्यक आहे.