मोठा धक्का! UPI वरून घरभाडं भरणं बंद, PhonePe-Paytmचा नवा नियम लागू

या बदलामुळे त्या सर्व ग्राहकांवर मोठा परिणाम होईल, जे क्रेडिट कार्ड वापरून भाडं भरत होते आणि त्यातून रिवॉर्ड पॉइंट्स किंवा कॅशबॅक मिळवत होते. तसेच, महिन्याभरासाठी त्यांना मिळणारा व्याजरहित क्रेडिट कालावधीही आता मिळणार नाही. आता त्यांना पुन्हा जुन्या पद्धतीने, जसे की थेट बँक खात्यात पैसे हस्तांतरित करणे किंवा चेकने पैसे देणे, असे पर्याय वापरावे लागतील.

क्रेडिट कार्डद्वारे भाडे भरण्याची सेवा खूप लोकप्रिय झाली होती. यामुळे घरमालकाला लगेच पैसे मिळत होते, तर ग्राहकांना रिवॉर्ड पॉइंट्स आणि क्रेडिट पीरियडचा फायदा होत होता. मात्र, RBI ला ही व्यवस्था योग्य वाटली नाही. कारण यामध्ये घरमालकाचे पूर्ण KYC होत नव्हते आणि फिनटेक कंपन्या मध्यस्थाची भूमिका बजावत होत्या.

बँकांनी देखील गेल्या वर्षापासूनच यावर निर्बंध घालण्यास सुरुवात केली होती. एचडीएफसी बँकेने जून 2024 मध्येच क्रेडिट कार्डने भाडे भरण्यावर 1% शुल्क आकारायला सुरुवात केली होती. आयसीआयसीआय बँक आणि एसबीआय कार्ड्सने तर रिवॉर्ड पॉइंट्स देणे बंद केले होते. मार्च 2024 पासून अनेक ॲप्सने ही सेवा थांबवली होती. काही कंपन्यांनी नंतर KYC प्रक्रिया जोडून ही सेवा पुन्हा सुरू करण्याचा प्रयत्न केला होता, मात्र आता RBI च्या नव्या नियमांमुळे यावर पूर्णपणे बंदी आली आहे.