शनिदेवाची कृपा! साडेसाती संपणार, 2025 च्या शेवटपर्यंत 'या' राशींचे लोक मालामाल होणार

वैदिक ज्योतिषशास्त्रात शनिदेवाला कर्मफळाचा न्यायाधीश मानले जाते. सामान्यतः शनि हा क्रूर ग्रह म्हणून ओळखला जातो, परंतु तो केवळ शिक्षा देत नाही तर परिश्रम करणाऱ्यांना न्याय आणि यशही प्रदान करतो. 2025 च्या अखेरीस शनीची विशेष कृपा काही राशींवर होणार आहे. या राशींना जीवनात नवे यश, संपन्नता आणि प्रगती मिळण्याचे संकेत आहेत. 29 मार्च 2025 रोजी शनि मीन राशीत प्रवेश केला असून, 3 जून 2027 पर्यंत तो त्याच राशीत राहणार आहे. या काळात काही राशींची साडेसती संपेल तर काहींसाठी ती सुरू होईल. परंतु खालील पाच राशींवर शनिदेवाचे विशेष आशीर्वाद कायम राहतील.

कर्क राशी - कर्क राशीच्या जातकांसाठी शनीचा प्रभाव अत्यंत लाभदायी ठरणार आहे. या राशीच्या आठव्या घरात शनि-शुक्राची युती असल्याने आर्थिक नशिबात अचानक वाढ होईल. दीर्घकाळ प्रलंबित राहिलेली कामे आता पूर्णत्वास जातील. व्यवसायाशी संबंधित मोठे निर्णय घेतल्यास त्याचे सकारात्मक परिणाम दिसतील. कर्क राशीच्या लोकांना नवीन संधी मिळतील आणि व्यावसायिक क्षेत्रात प्रगतीचा मार्ग खुला होईल.

तूळ राशी -  तूळ राशी ही शनीची उच्च राशी मानली जाते. त्यामुळे या राशीच्या लोकांवर शनिदेव नेहमीच आपले आशीर्वाद राखतात. जर कुंडलीत शनीची स्थिती अनुकूल असेल तर मोठी प्रगती साधता येते. करिअरमध्ये नवीन संधी, व्यवसायात वाढ आणि मान-सन्मान यांचा लाभ मिळेल. या काळात समाजात तुमची प्रतिष्ठा उंचावेल आणि तुम्ही अनेक लोकांना प्रेरणा द्याल.

धनु राशी -   धनु राशीचा अधिपती गुरू असून शनीसोबत त्याचे संबंध मैत्रीपूर्ण आहेत. त्यामुळे धनु राशीच्या लोकांना शनी नेहमीच साथ देतो. अगदी साडेसतीच्या काळातही या राशीच्या लोकांना नुकसान होण्याऐवजी फायदा होतो. 2025 च्या अखेरीस धनु राशीच्या जातकांना मोठ्या आर्थिक लाभाची संधी मिळेल. शिक्षण, करिअर आणि परदेशगमनाशी संबंधित योजना यशस्वी होतील.

मकर राशी - मकर ही शनीची स्वतःची राशी आहे. त्यामुळे या राशीच्या लोकांवर शनिदेवाचे विशेष आशीर्वाद कायम असतात. मकर राशीच्या लोकांनी या काळात शनिदेवाची पूजा अथवा जप केल्यास सर्व अडचणी दूर होतील. व्यवसाय आणि नोकरीत मोठे यश मिळेल. आर्थिक स्थैर्य निर्माण होईल आणि जीवनातील अनेक अडथळे सुटतील. कुटुंबासोबत आनंदी क्षण घालवण्याची संधी मिळेल.

कुंभ राशी -   कुंभ राशी ही देखील शनीची आवडती राशी आहे. या राशीच्या जातकांना शनी सदैव धन, ऐश्वर्य आणि समृद्धी प्रदान करतो. कुंभ राशीच्या लोकांना पैशाची कमतरता भासत नाही आणि त्यांच्या कामांमध्ये यश सहज मिळते. 2025 च्या अखेरीस या राशीच्या लोकांना विशेषतः आर्थिक लाभ मिळण्याची शक्यता आहे. त्याचबरोबर, समाजात आदर आणि प्रतिष्ठा वाढेल.

(सदर बातमी फक्त माहितीकरिता असून न्यूज 18 मराठी कुठलाही दावा करत नाही)