'केदारने मला कपडे - चपला उचलायचं काम दिलं', मावशीनंतर भावाचीही नाराजी, केले धक्कादायक खुलासे

मराठी मनोरंजन विश्वातील प्रसिद्ध दिग्दर्शक केदार शिंदे यांनी आजवर अनेक ब्लॉकबस्टर सिनेमे प्रेक्षकांना दिले आहेत. पण मागील काही काळापासून केदार शिंदे हे त्यांच्या कामाबरोबरच त्यांच्या कौटुंबिक वादामुळेही चर्चेत आले आहेत. केदार शिंदे हे शाहिर साबळे यांचे नातू. याच साबळे कुटुंबीयांकडून केदार शिंदे यांच्याबद्दल नाराजी व्यक्त होत असल्याचं दिसत आहे. 'महाराष्ट्र शाहीर' हा सिनेमा आल्यानंतर केदार शिंदे यांच्या मावशी चारुशीला साबळे वाच्छानी यांनी कामाबाबत खंत व्यक्त केली होती. त्यानंतर आता केदार यांचे भाऊ मंदार शिंदे यांनीही आपली व्यथा मांडत काही धक्कादायक अनुभव शेअर केले आहेत.