फिल्मसिटीत अवतरलं १८ व्या शतकातलं पुणे, 'मी सावित्रीबाई जोतीराव फुले' मालिकेचा भव्य सेट पाहिलात का? VIDEO

मुंबई: त्यांच्या वाटेवर सनातनी विचारांचे काटे होते, पण डोळ्यांसमोर स्त्री-शिक्षणाचं लख्ख स्वप्न होतं. अंगावर शेणाचे गोळे झेलले, पण ज्ञानाची पाटी कधी खाली ठेवली नाही. सावित्रीबाई फुले आणि जोतीराव फुले यांच्या संघर्षाचा काळ आता पुन्हा जिवंत होणार आहे. स्टार प्रवाहची नवी ऐतिहासिक महागाथा ‘मी सावित्रीबाई जोतीराव फुले’ मधून प्रेक्षकांना पुन्हा एकदा इतिहासात डोकावून पाहण्याची संधी मिळणार आहे. नुकताच या मालिकेच्या भव्यदिव्य सेटचं अनावरण सोहळा मोठ्या थाटात पार पडला आणि यावेळी इतिहासाच्या त्या हुबेहुब पाऊलखुणा पाहून प्रेक्षकही थक्क झाले आहेत.