Tejashri Pradhan : तेजश्री प्रधानच्या मालिकेत गायक महेश काळेची एन्ट्री! प्रोमो पाहून प्रेक्षकांची भलतीच फरमाईश

अभिनेत्री तेजश्री प्रधान सध्या झी मराठीवरच्या वीण दोघांतली ही तुटेना या मालिकेतून प्रेक्षकांच्या भेटीला येत आहे. मालिकेत तिनं साकारलेली स्वानंदीची भूमिका प्रेक्षकांना आवडली. तेजश्रीच्या नव्या भूमिकेला प्रेक्षकांचं खूप प्रेम मिळत आहे. मालिकेत सध्या समर आणि स्वानंदी यांच्या प्रेमाची सुरूवात दाखवण्यात आली आहे. समर स्वानंदीचं मनं जिंकण्याचे प्रयत्न करतोय. अशातच मालिकेत एक नवीन बदल पाहायला मिळणार आहे. तेजश्री प्रधानच्या मालिकेत प्रसिद्ध शास्त्रीय गायक महेश काळेची एन्ट्री होणार आहे. महेश काळेच्या एन्ट्रीचा प्रोमो नुकताच समोर आला आहे.