पहिलाच असा रिअ‍ॅलिटी शो! ज्यात खेळणार स्पर्धक पण जिंकणार प्रेक्षक, मिळणार 50 लाख रुपये  

पण आता पहिल्यांदाच एक असा रिअॅलिटी शो, ज्यात खेळणारा स्पर्धक नाही तर शो पाहणारा प्रेक्षक जिंकणार आहे. हे वाचूनच तुम्हाला आश्चर्य वाटलं असेल. हे कसं काय? तो शो कोणता? हे पाहण्याची उत्सुकताही तुम्हाला असेल. हा शो 1 फेब्रुवारी 2026 पासून सुरू होणार आहे. ओटीटीवर तो रात्री 9 वाजता जिओ हॉटस्टारवर असेल. टीव्हीवर रात्री 10.30 वाजता कलर्स टीव्हीवर असेल.

हा शो ज्यात तब्बल 50 स्पर्धक आहे, जे 50 दिवस एका महालात राहणार आहेत. या महालात राज्य आहे ते लायन म्हणजे सिंहाचं. सिंहाचा मुखवटा घातलेला एक होस्ट तुम्हाला इथं दिसेल.

लायन आणि स्पर्धकांमध्ये थेट संवाद होणार नाही. सिंहाचे सहा साथीदार असतील, दोन कोल्हे, दोन ससे आणि दोन कुत्रे. त्या साथीदारांच्या मदतीने सिंह स्पर्धकांना कामं सोपवेल.

या शोमध्ये बिग बॉससारखं किचनमधील कोणतंही काम किंवा घरातील कामं नसतील. हा नातेसंबंधाचा नाही तर शक्ती, गूढता आणि मनाचा खेळ आहे. फिजिकल आणि मेंटल टास्क असतील. पराभूत झालेल्याला घराच्या एका रिकाम्या भागात राहण्यास भाग पाडलं जाईल.

या शोची सर्वात खास गोष्ट म्हणजे यात कोणतेही नियम नसतील. गेम मास्टर लायन सर्व निर्णय घेईल. स्पर्धक त्यांच्या चाहत्यांसाठी खेळतील. लायनने दिलेल्या कामांनुसार, स्पर्धकांना त्यांचे गट बदलावे लागतील. त्याच्या इच्छेनुसार कामाच्या दरम्यान नियम बदलू शकतात.

काही दिवसांपूर्वीच प्रेम बाईसाचे अश्लील फोटो आणि व्हिडीओ व्हायरल झाले होते. ज्याबाबत त्यांनी पोलिसात तक्रारही केली होती. एआयचा वापर करून हे ब्लॅकमेल करण्यासाठी हे फोटो-व्हिडीओ बनवले गेल्याचं त्यांनी सांगितलं.