एकच हृदय कितीवेळा जिंकणार...! निक जोनसने घातलंय प्रियांका चोप्राच्या नावाचं मंगळसूत्र, VIDEO पाहून भारतीय फॅन्स झाले वेडे

मुंबई : बॉलीवूडची 'देसी गर्ल' प्रियांका चोप्रा आणि तिचा पती निक जोनस हे जागतिक स्तरावर सर्वात लाडकं जोडपं मानलं जातं. निक आपल्या पत्नीवर किती प्रेम करतो आणि तिच्या संस्कृतीचा किती आदर करतो, हे तर वेगळं सांगायला नको. मात्र नुकतंच निकने एक व्हिडीओ शेअर केला, ज्यामधून या गोष्टीचा प्रत्यय पुन्हा एकदा आला आहे. प्रियांकाचा बहुप्रतिक्षित चित्रपट 'द ब्लफ' (The Bluff) आज अ‍ॅमेझॉन प्राईमवर प्रदर्शित झाला असून, निकने या चित्रपटाच्या प्रमोशनसाठी एक व्हिडिओ शेअर केला आहे. मात्र, या व्हिडिओमध्ये निकच्या हातातील एका गोष्टीने सर्वांचं लक्ष वेधून घेतलंय आणि ती गोष्ट म्हणजे प्रियांकाचं मंगळसूत्र.