हार्ट अटॅकच्या 6 दिवसांनी श्रेयस तळपदेला रुग्णालयातून डिस्चार्ज, आता कशी आहे तब्येत? पत्नीनं दिली अपडेट

मुंबई, 21 डिसेंबर : अभिनेता श्रेयस तळपदेची तब्येत बिघडल्यानं त्याला रुग्णालयात दाखल करण्यात आलं होतं. श्रेयसला हार्ट अटॅक आल्याची माहिती समोर आली होती. वेलकम 3 सिनेमाच्या शुटींगनंतर श्रेयसला हार्ट अटॅक आल्याचं म्हटलं गेलं. अटॅकनंतर त्याला रुग्णालयात दाखल करण्यात आलं होतं. त्याच्या उपचार झाले असून त्याला आता घरी देखील सोडण्यात आलं आहे. हार्ट अटॅकनंतर 6 दिवसांनी श्रेयसला रुग्णालयातून डिस्चार्ज देण्यात आला आहे. श्रेयसची पत्नी दीप्ती तळपदे हिनं पोस्ट शेअर करत ही माहिती दिली आहे. श्रेसयच्या तब्येतीची माहिती देत असताना दीप्ती भावुक झाली. तिनं सगळ्यांचे आभार मानले आहेत.