'कुंकूच्या सेटवर सुनील दादा मला मेकअप रुममध्ये घेऊन गेला अन्...'; मृण्मयीनं सांगितला 15 वर्षांपूर्वीचा तो प्रसंग

मृण्मयी पुढे म्हणाली, "कट झाला आणि तो काहीच न बोलता सगळ्यांसमोर माझा हात धरून मला मेकअप रुममध्ये घेऊन गेला. मला कळेना काय झालं? मी त्याला विचारलं की दादा काय झालं? माझं काही चुकलं का? मला काही कळेनाच कारण संपूर्ण सेटसमोर तो मला घेऊन गेला. त्याने त्याचं पाकिट उघडलं. त्याच्या पाकिटात त्या दिवशी जेवढे पैसे होते ते सगळे त्याने माझ्या हातात ठेवले आणि तो म्हणाला की, तु जे आता केलंस ना बाळा ते जप. तुझं कौतुक करण्यासाठी माझ्याकडे आता शब्द नाही. आता माझ्याकडे जेवढे पैसे आहेत ते तुझे. आता माझ्याकडे 2 कोटी रुपये असते तरी मी ते तुला दिले असते. त्यानंतर मी खूप भारावुन गेले. मी खूप खुश झाले होते. हा क्षण माझ्यासाठी एक बेंचमार्क झाला".