थकलेला चेहरा, डोळ्यांवर चष्मा, 'तारक मेहता'मधील दयाबेन 8 वर्षात पूर्ण बदलली, PHOTO पाहून चाहते शॉक

Taarak Mehta Ka Ooltah Chashmah : 'तारक मेहता का उल्टा चश्मा' ही मालिका गेल्या अनेक वर्षांपासून प्रेक्षकांचं चांगलच मनोरंजन करत आहे. या मालिकेतील प्रत्येक पात्राने घराघरात आपले स्थान निर्माण केले आहे. प्रेक्षकांना ही पात्रे आता कुटुंबातील सदस्यांसारखीच वाटतात. या पात्रांमध्ये सर्वाधिक आवडते पात्र म्हणजे दया भाभी. अनेक वर्षांपूर्वी मालिकेत ही भूमिका दिसत नसली तरी आजही ती लोकांच्या आठवणीत आहे आणि प्रेक्षक अजूनही दयाबेनच्या कमबॅकची प्रतीक्षा करत आहेत. या पात्राला पडद्यावर जिवंत करणाऱ्या अभिनेत्री म्हणजे दिशा वकानी. दिशा ही भूमिका मनापासून जगली आणि ती पूर्णपणे या भूमिकेत रंगून गेली. तिने आपल्या अभिनयाने प्रेक्षकांना भारावून टाकले होते. त्यामुळे मालिकेतील तिची एक्झिट प्रेक्षकांना चटका लावून गेली.