Aashay Kulkarni: 'काम करुन पैसे मिळत नाही' मराठी अभिनेत्याची संतप्त पोस्ट!

आशयने केलेल्या कामाचे त्याला पैसे मिळाले नाही. याविषयी त्याने सोशल मीडियावर पोस्ट करत संताप व्यक्त केलाय. आशयने नुकतंच एका मालिकेत काम केलं. मात्र त्याने केलेल्या कामाचे त्याला पैसे मिळाले नाही. त्यानं अनेकदा पैसे मागूनही पैसे मिळाले नसल्यानं आशयने संतापून सोशल मीडियावर संतप्त पोस्ट केली.

आशयने शेअर केलेल्या पोस्टमध्ये म्हटलं, मध्यंतरी मी एका मालिकेत काम केलं. मालिकेने नुकताच 800 भागांचा टप्पा पार केला. त्या शो चे प्रोडक्शन मॅनेजर, अकाऊंट डिपार्टमेंट, त्या शो चे EP यांना वारंवार फोन केले, मेसेज केले. तरीही पैसे मिळत नाहीये. आमच्याकडून रोज शूटला येण्याची अपेक्षा असते. तेही 'वेळेत' पण मग वेळेत पैसे देता का येत नाही??? असा संतप्त प्रश्नही आशयने विचारला. आशयने त्याच्या इन्स्टाग्रामवर ही पोस्ट शेअर करताच त्याचे स्क्रीनशॉट सोशल मीडियावर व्हायरल होत आहेत.

दरम्यान, पाहिले न मी तुला, मुरांबा, माझा होशील ना, अशा अनेक मालिकांमध्ये आशयने काम केलंय. नुकताच तो व्हिक्टोरिया चित्रपटात झळकला. आता तो लवकरच 'गलमर्दिनी छत्रपती ताराराणी' या चित्रपटात दिसणार आहे.