Allu Arjun: अल्लू अर्जुनच्या अडचणी आणखी वाढणार? स्विमिंग पूलमध्ये लघवी करताना दिसला

मुंबई:  'पुष्पा 2' रिलीज झाल्यापासून अल्लू अर्जुनचा अडचणींमध्ये वाढच दिसत आहे. एकीकडे सिनेमा कमाईचे अनेक रेकॉर्ड मोडत आहे आणि दुसरीकडे अल्लू अर्जुन वादात सापडलाय. हैदराबादच्या संध्या थिएटरमध्ये प्रदर्शित झालेल्या (4 डिसेंबर) संध्याकाळी झालेल्या चेंगराचेंगरीत एका महिलेचा मृत्यू झाल्याप्रकरणी पोलिसांनी 13 डिसेंबरला या अभिनेत्याला ताब्यात घेतलं होतं. सध्या अंतरिम जामिनावर बाहेर असलेला अल्लू अर्जुन आता नव्या अडचणीत सापडला आहे. एक मोठी कारवाई करत काँग्रेस नेते थेनमार मल्लान्ना यांनी अल्लू अर्जुनविरोधात नवी तक्रार दाखल केली आहे. अभिनेत्याच्या चित्रपटातील एका दृश्यावर आक्षेप घेत काँग्रेस नेत्याने गुन्हा दाखल केला आहे.