Googleवर Chrome विकण्याची वेळ, एका छोट्या कंपनीच्या ऑफरने खळबळ; अरविंद श्रीनिवास यांनी लावली इतक्या कोटींची बोली

गेल्या काही दिवसांपासून Perplexity आणि Google Chrome यांच्यात जोरदार चर्चा सुरू आहे. याचे मुख्य कारण म्हणजे Perplexity AI ने Google च्या Chrome ब्राउझरला विकत घेण्यासाठी दिलेला 34.5 अब्ज डॉलर्स (सुमारे 3.02 लाख कोटी रुपये) चा मोठा प्रस्ताव. Perplexity AI चे CEO अरविंद श्रीनिवास यांनी Google Chrome मध्ये स्वारस्य दाखवल्यापासून ते तंत्रज्ञान जगतात चर्चेत आहेत. Perplexity AI ची स्वतःची व्हॅल्युएशन 14 अब्ज असताना, त्यांनी दिलेली किंमत त्याच्या दुप्पटहून अधिक आहे. शिवाय क्रोम हे Google च्या सर्वात महत्त्वाच्या उत्पादनांपैकी एक आहे. त्यामुळे फक्त 3 वर्षांपूर्वी स्थापन झालेल्या एका AI कंपनीने दिलेल्या या ऑफरने सर्वांचे लक्ष वेधून घेतले आहे.