Thong Bikini Explainer: थोंग बिकिनीने वेड लावले; ‘बेशरम’ फॅशनचा स्फोटक कमबॅक, लज्जाहीन फॅशनमुळे जगभर खळबळ

थोंग बिकिनीला आधुनिक फॅशनमध्ये एक बोल्ड आणि आत्मविश्वासपूर्ण स्टाइल स्टेटमेंट मानले जाते. खासकरून समुद्रकिनारे, पूल पार्टी आणि सुट्ट्यांमध्ये ती खूप लोकप्रिय आहे. अलीकडच्या काही वर्षांत बॉलिवूड आणि हॉलिवूड अभिनेत्री, मॉडेल्स आणि इन्फ्लुएन्सर्सनी सोशल मीडियावर थोंग बिकिनीचे फोटो आणि व्हिडिओ शेअर करून तिची लोकप्रियता वाढवली आहे. सोशल मीडियावर थोंग बिकिनीतील फोटो आणि व्हिडिओ शेअर करण्याचा ट्रेंड वाढला आहे. अनेक महिला स्वतःचे शरीर खुलेपणाने दाखवण्यासाठी हा पर्याय निवडतात, ज्यामुळे ही एक जागतिक फॅशन बनली आहे. भारतात बॉडी बिल्डर प्रतिभा थपलियालसारख्या महिलांनी थोंग बिकिनी परिधान करून राष्ट्रीय आणि आंतरराष्ट्रीय स्तरावर पुरस्कार जिंकले आहेत.

भारतासारख्या देशांमध्ये जिथे बिकिनीचा वापर कमी होता, तिथे थोंग बिकिनी हळूहळू स्वीकारार्ह होत आहे. विशेषतः तरुण पिढी आणि शहरी भागात. तरीही आजही अनेक ठिकाणी ती भारतीय संस्कृतीच्या विरोधात मानली जाते आणि तिच्यावर वाद आणि टीका होत राहते.

जगभरात थोंग बिकिनी परिधान करणे आत्मविश्वास आणि शरीराविषयी सकारात्मक दृष्टिकोन दर्शवते, असे मानले जाते. ज्या महिलांना कोणतेही संकोच न बाळगता आपले शरीर खुल्यापणाने साजरे करायचे आहे, त्यांच्यात ती लोकप्रिय आहे.

हा बिकिनीचा प्रकार पुरुषांनी परिधान केलेल्या प्राचीन लंगोटीच्या जवळ मानला जातो. आधुनिक थोंग्स 1939 मध्ये स्वीकारले गेले. तरीही सुरुवातीला थोंग बिकिनीवरही काही ठिकाणी प्रतिबंध घालण्यात आले होते.

ऑस्ट्रेलियातील ग्रेटर सिडनीच्या एका परिषदेने त्यांच्या सार्वजनिक पूल्समध्ये थोंग बिकिनीवर बंदी घातली होती. दक्षिण कॅरोलविना अमेरिकेतील मर्टल बीच येथे अनेक महिलांना थोंग बिकिनी परिधान केल्याच्या आरोपाखाली अटकही करण्यात आली होती.

बिकिनीची मूळ रचना 1946 मध्ये फ्रेंच डिझायनर लुई रियर्ड यांनी केली होती. थोंग बिकिनीचा विकास यानंतर झाला. 1970 च्या दशकात ती अधिक बोल्ड आणि कमीत कमी डिझाइनच्या रूपात समोर आली.

आधुनिक थोंग बिकिनीच्या लोकप्रियतेचे मोठे श्रेय ब्राझीलला जाते. 1970 च्या दशकात ब्राझीलमधील स्विमवेअर डिझाइनर्सनी पारंपरिक बिकिनीचा खालचा भाग कमी करणे सुरू केले. जेणेकरून महिलांना समुद्रकिनाऱ्यावर जास्त टॅन (सावळेपणा) मिळू शकेल आणि टॅन लाईन्स टाळता येतील.