रात्रीचा तो फोन कॉल अन् लिपिकाची घाणेरडी मागणी; महापालिकेतील महिला कर्मचारी हादरली; कल्याणमधील संतापजनक प्रकार

मिळालेल्या माहितीनुसार, येत्या तीन महिन्यांपूर्वी कामाच्या कारणावरुन आरोपी पाटील आणि संबंधित महिला यांच्यात वाद झाले होते. त्यातच पाटीलने सर्वांसमोर महिलेला शिवीगाळ केली होती. काही दिवस गेल्या आणि 20 फेब्रुवारीच्या रात्री पाटीलने त्या महिलेला फोन द्वारे संपर्क केला.

पाटीलने फोनवर बोलताना त्या महिलेला सांगितले की,तिच्यासह अजून एका कर्मचाऱ्याला नोकरीवरु काढण्याचे मला आदेश मिळालेले आहेत. ''दुसऱ्या कर्मचाऱ्याने माझ्यासोबत सेटलमेंट केली आहे, तू काय करणार?'' असे विचारत त्याने तिच्यावर दबाव टाकण्याचा प्रयत्न केला. तसेच, नोकरीवरुन काढण्याची ऑर्डर रद्द करुन ती नोकरी टिकवून ठेवण्यासाठी पाटीलने महिलेकडे लैंगिक संबंधाची मागणी केल्याचा आरोपी आहे.