Central Railway : प्रवाशांसाठी आनंदाची बातमी; डोंबिवलीपुढे लोकल आता वेळेत धावणार; पाहा काय बदललं

गेल्या शनिवार-रविवारच्या मध्य रेल्वेच्या असलेल्या मेगाब्लॉकच्या वेळीस डोंबिवली रेल्वे स्थानकातील प्लॅटफॉर्म क्रमांक एक दिवा बाजूकडील असलेले वळण काढून टाकले आहे. वळणामुळे लोकल ही प्लॅटफॉर्म क्रमांक एकवर आणणे आणि परत कल्याणच्या दिशेने जाण्याच्या वेळेसाठी दीड मिनिट लागत असत. आता या कामामुळे आता डोंबिवली रेल्वे स्थानकातील वळण काढल्याने तो आता कायमसाठी बंद होणार आहे.

गेल्या काही वर्षापासून सीएसएमटीकडून कल्याणच्या दिशेने येणाऱ्या सर्व धिम्या लोकल या डोंबिवली रेल्वे स्थानकातील प्लॅटफॉर्म क्रमांक 'एक ए' वरुन जात होत्या. या लोकल प्लॅटफॉर्म एकवरुन सोडल्या तर त्यासाठी त्या रेल्वे मार्गिकेवरील दिवा दिशेकडील तसेच कल्याण बाजुकडील सांधा जोड वळणाटा फटका हा लोकल जात असताना बसत होता. अशा दोन्ही वळण आणि सांधे जोडीवरुन लोकल धावत असताना साधारण दीड मिनिटांचा वेळ लागत होता.