Metro Line 5 : प्रवाशांची प्रतिक्षा संपणार; ठाणे-भिवंडी- कल्याण मेट्रो कधीपर्यंत सुरु होणार? तारीख आली समोर

पहिल्या टप्प्यातील स्थापत्य कामे जवळपास 97 टक्के पूर्ण झाली आहेत. कापूरबावडी येथील एका खांबाचे काम काही काळ रखडले होते. एका राजकीय नेत्याच्या विरोधामुळे जाहिरात फलक हटवण्यात अडचणी आल्याने हे काम थांबले होते तसेच मेट्रो मार्गिकेच्या आड येणारी एक इमारतही अडथळा ठरत होती. मात्र आता जाहिरात फलक हटवण्यात आला असून सर्व अडथळे दूर झाले आहेत. आता राहिलेली कामेही लवकरच पूर्ण केली जाणार आहेत.

मेट्रो 5 साठी कारशेड कशेळी येथे उभारण्यात येणार आहे. ही जागा दलदलीची असल्याने भराव टाकून ती बांधकामयोग्य करावी लागणार आहे. यासाठी सुमारे 6 महिने लागणार असून त्यानंतर कारशेडच्या बांधकामाला सुरुवात होईल. संपूर्ण कारशेड तयार होण्यासाठी सुमारे 2 वर्षांचा कालावधी लागण्याची शक्यता आहे.

दरम्यान मेट्रो 5 मार्गिकेसाठी 22 मेट्रो गाड्या खरेदी करण्यासाठी ऑक्टोबर 2025 मध्ये टिटागढ रेल सिस्टीम्स कंपनीला 2,481 कोटींचे कंत्राट देण्यात आले आहे. या कंत्राटाअंतर्गत रोलिंग स्टॉक, सिग्नलिंग आणि टेलिकॉम यंत्रणा, प्लॅटफॉर्म स्क्रीन दरवाजे तसेच डेपो प्लांट मशिनरी पुरवण्याची जबाबदारी संबंधित कंपनीकडे असणार आहे.