Lok Sabha Election : रायगडमधून तीन अनंत गिते तर दोन सुनील तटकरे लढवणार निवडणूक, नेमकं काय आहे प्रकरण?

रत्नागिरी, शिवाजी गोरे, प्रतिनिधी : रायगड लोकसभा मतदारसंघातून मोठी बातमी समोर येत आहे. रायगडमधून शिवसेना उद्धव ठाकरे गटाचे उमेदवार अनंत गीते यांच्यासोबत चक्क आणखी दोन अनंत गीतेंनी आपला उमेदवारी अर्ज लोकसभा निवडणुकीसाठी दाखल केला आहे. तर दुसरीकडे राष्ट्रवादीचे उमेदवार सुनील तटकरे यांच्या नावाच्या आणखी एका उमेदवारानं रायगडमधून आपला उमेदवारी अर्ज दाखल केला आहे. त्यामुळे आता रायगडमधून अनंत गीते नावाचे तीन तर सुनील तटकरे नावाचे दोन उमेदवार निवडणूक लढवणार आहेत.