'चीट डे' म्हणजे नेमकं काय? फिटनेससाठी किती महत्त्वाचा; तो कधी आणि कसा घ्यावा, वाचा सविस्तर

'चीट मिल' किंवा 'चीट डे' कधी आणि किती वेळा असावा, यासाठी कोणतीही विशिष्ट मार्गदर्शक तत्त्वे नाहीत. लोक सहसा आठवड्यातून एकदा 'चीट डे' घेतात, परंतु हे प्रत्येकाच्या आरोग्याच्या किंवा वजन कमी करण्याच्या उद्दिष्टांवर अवलंबून असते. 'चीट' करण्याची ही स्ट्रॅटेजी वेगवेगळ्या डाएट पद्धतींना लागू होते. मात्र, 'चीट मिल'चा मार्ग सर्व प्रकारच्या डाएटसाठी योग्य नाही. उदाहरणार्थ, 'केटोजेनिक डाएट' (Ketogenic Diet) सारख्या काही डाएटमध्ये कोणत्याही प्रकारच्या 'चीटिंग'साठी जागा नसते, कारण त्यात कठोर नियमांचे पालन करावे लागते. त्यामुळे, 'चीट'ची स्ट्रॅटेजी अशा डाएटमध्ये अधिक उपयुक्त ठरते, ज्यात थोडी लवचिकता (flexibility) असते.