लग्नासाठी ज्वेलरी घ्यायची? ज्वेलरी बॉक्स मिळतोय फक्त 120 रुपयांपासून, मुंबईत हे आहे लोकेशन

या दुकानात बँगल बॉक्स 350 रुपयांपासून उपलब्ध आहेत तर इअरिंग बॉक्स 150 ते 250 रुपयांदरम्यान मिळत आहेत. वॉच बॉक्स 550 रुपयांना उपलब्ध असून नेकलेस बॉक्स केवळ 120 रुपयांपासून सुरू होतात. विविध आकार, रंग आणि आकर्षक डिझाईनमुळे हे बॉक्स ग्राहकांचे लक्ष वेधून घेत आहेत. ज्वेलरी सुरक्षित ठेवण्यासाठी मजबूत आणि टिकाऊ मटेरियलचा वापर करण्यात आला आहे. त्यामुळे दागिने सुरक्षित राहतात तसेच त्यांचे सादरीकरण अधिक उठावदार दिसते.

हे दुकान अब्दुल रहमान स्ट्रीटवर ‘विनस बेल्ट’ या दुकानाच्या शेजारी असून येथे विविध प्रकारचे ज्वेलरी बॉक्स एकाच ठिकाणी पाहायला मिळतात. ग्राहकांना त्यांच्या गरजेनुसार वेगवेगळ्या डिझाईनचे आणि रंगांचे पर्याय उपलब्ध आहेत. किफायतशीर दर, आकर्षक डिझाईन आणि मजबूत बांधणी यामुळे या ज्वेलरी बॉक्सची मागणी दिवसेंदिवस वाढत आहे. जर तुम्हाला ज्वेलरी सुरक्षित आणि व्यवस्थित ठेवायची असेल तर कमी खर्चात हा उत्तम पर्याय आहे.