Beauty Tips : चेहरा डल दिसतोय, फेशियलसाठी वेळही नाही? हे 4 घरगुती फेस पॅक 25 मिनिटांत आणतील ग्लो..

निलेश सेन सांगतात की, बेसन फेस पॅक त्वचेचे पोअर्स टाइट करतो आणि टॅनिंग कमी करण्यास मदत करतो. इन्स्टंट ग्लोसाठी हा फेस पॅक सर्वाधिक वापरला जातो.

एक चमचा बेसन घ्या, त्यात अर्धा चमचा हळद मिसळा. त्यात एक ते दीड चमचा दही घालून पेस्ट तयार करा. हा पॅक चेहऱ्यावर 10 ते 15 मिनिटे लावा आणि नंतर साध्या पाण्याने धुवा. चेहरा स्वच्छ आणि उजळ दिसू लागतो.

पपईमध्ये अँटीऑक्सिडंट्स, जीवनसत्त्वे आणि अँटी-एजिंग गुणधर्म भरपूर प्रमाणात असतात. तो त्वचेवरील डाग-धब्बे हलके करतो आणि चेहऱ्यावर नैसर्गिक ग्लो आणतो.

पिकलेली पपई चांगली कुस्करून घ्या. त्यात एक चमचा मध आणि थोडीशी दुधाची साय (मलाई) मिसळा. ही पेस्ट चेहऱ्यावर 20 मिनिटे लावा आणि नंतर धुवा. काही वेळातच त्वचा मऊ आणि फ्रेश दिसू लागते.

केशर त्वचेसाठी अत्यंत फायदेशीर मानले जाते. ते चेहऱ्याची रंगत खुलवते आणि टॅनिंग कमी करण्यास मदत करते.

रात्री अर्धा कप दूध घ्या आणि त्यात 3 ते 4 केशराचे धागे टाका. सकाळी या दुधात थोडे घट्ट दही मिसळून पेस्ट तयार करा. हा पॅक चेहऱ्यावर 15 ते 20 मिनिटे लावा आणि नंतर स्वच्छ पाण्याने धुवा. यामुळे डेड स्किन निघून जाते आणि चेहरा नैसर्गिकरित्या चमकू लागतो.

जशी कॉफी प्यायल्याने झोप उडते, तसाच हा फेस पॅक चेहऱ्यावर त्वरित ग्लो आणतो.

एक चमचा कॉफी पावडर घ्या. त्यात दोन चमचे कच्चे दूध मिसळून पेस्ट तयार करा. ही पेस्ट चेहऱ्यावर 15 ते 20 मिनिटे लावा आणि नंतर हलक्या हाताने धुवा. चेहरा त्वरित फ्रेश आणि ब्राइट दिसू लागतो.

निलेश सेन सांगतात की, हे सर्व फेस पॅक त्यांनी स्वतःही वापरले आहेत. हे पूर्णपणे नैसर्गिक आहेत आणि बहुतेक सर्व प्रकारच्या त्वचेसाठी योग्य आहेत. जर तुम्ही कुठे बाहेर जाणार असाल, तर घरातून निघण्यापूर्वी 25 मिनिटे यापैकी कोणताही फेस पॅक लावा, फरक स्पष्टपणे जाणवेल. त्यांच्या मते बाजारातील महागडे प्रॉडक्ट्स थोड्या वेळासाठी ग्लो देतात, पण ते प्रत्येकाच्या त्वचेला सूट होत नाहीत. घरगुती उपाय मात्र स्वस्त, सुरक्षित आणि प्रभावी असतात. आठवड्यातून दोनदा हे फेस पॅक वापरल्यास चेहऱ्यावर नैसर्गिक चमक दीर्घकाळ टिकून राहते.