अंगणात लक्ष वेधून घेईन नक्षीदार मोर, दिवाळीला काढा आकर्षक रांगोळी, Video

खरंतर नक्षीदार मोर हे बऱ्याच ठिकाणी आपण पाहत असतो. मात्र असे मोर हे रांगोळीच्या स्वरूपात जमिनीवर काढणे तितकेच अवघड देखील असते. त्यामुळेच आपल्याला शक्य तितक्या प्रकारे आपण मोराची नक्षी काढण्याचा प्रयत्न करावा. सुरुवातीला साधारण वर्तुळाकार पद्धतीने आपल्याला हव्या असणाऱ्या रंगात मोराचे शरीर काढण्यासाठी रांगोळी पसरुन घ्यावी. मोराचा सुंदर असा पिसारा काढण्यासाठी एकाच ठिकाणी वेगवेगळ्या रंगांची रांगोळी गोळा करून एका ठिकाणी ठेवावी आणि आपल्या हाताने सारवल्याप्रमाणे एका झटक्यात ती पसरावी. नंतर मोराचे डोळे, चोच आणि शरीराच्या बाजूने हाताने बॉर्डर काढून घ्यावी. त्यानंतर अजूनही जमेल ती नक्षी आपण मोराच्या बाजूने काढू शकतो, असे प्रतिकने सांगितले आहे.