फक्त चाळणीचा वापर करून काढा आकर्षक रांगोळी, पाहा दिवाळी स्पेशल टिप्स

कोल्हापूरचा प्रतीक कांबळे हा मोठमोठ्या आणि अतिशय सुंदर फ्रिस्टाईल रांगोळ्या काढतो. यामध्ये संस्कार भारती रांगोळी, स्प्रेड रांगोळी, चाळणीचा वापर करून काढलेली रांगोळी अशा अनेक पद्धतीच्या रांगोळ्या तो काढत असतो. या रांगोळी काढताना वापरलेली रंगसंगती आणि मुक्त पद्धतीने वापरलेली कला यामुळे या सर्व रांगोळ्या अत्यंत सुंदर आणि आकर्षक दिसतात. दिवाळीनिमित्त अशी सुंदर रांगोळी आपल्याही दारात असावी असे प्रत्येकाला वाटू शकते. त्यामुळेच प्रतिकने सोप्या पद्धतीने अशी सुंदर रांगोळी काढण्याची युक्ती सांगितलेली आहे.

दरम्यान, रांगोळी काढणे ही एक कला आहे. प्रत्येकाला अगदी छान अशी रांगोळी जमेलच असे होत नाही. त्यामुळे आपण ज्या पद्धतीने सोपी आणि सुंदर रांगोळी काढू शकतो, तशा पद्धतीने रांगोळी काढण्याचा आनंद सणउत्सवाच्या काळात लुटायला हवा.