Vastu Tips: सतत आर्थिक अडचणीत, आवक घटलीय? आज आत्ता पाहा घरातील या 7 गोष्टी नीट आहेत का!

वास्तुशास्त्रानुसार घरात अग्नी, जल, पृथ्वी, वायू आणि आकाश या पाच तत्वांचा समतोल असणे चांगल्या वातावरणासाठी अत्यंत आवश्यक आहे. जेव्हा हा समतोल योग्य असतो, तेव्हाच घरात समृद्धी आणि आर्थिक स्थिरता येते. यासाठी घरातील काही गोष्टी योग्य ठिकाणी असणे गरजेचे असते.

वास्तुशास्त्रानुसार घराचा मुख्य दरवाजा हा सकारात्मक ऊर्जेचा प्रवेशमार्ग मानला जातो. त्यामुळे दरवाजाला तडे गेले असतील, बिजागऱ्या ढिल्या असतील किंवा कुलूप खराब झाले असेल, तर ते लगेच बदलणे/दुरुस्त करणे गरजेचे आहे. मुख्य दरवाजापाशी पुरेशी प्रकाशयोजना असावी. तसेच दरवाजाजवळ रोपे किंवा विंड चाइम लावणे शुभ मानले जाते, कारण त्यामुळे सकारात्मक ऊर्जा येते.

पैसे आणि दागिने ठेवण्यासाठी योग्य दिशा निवडणे महत्त्वाचे आहे. घराचा दक्षिण-पश्चिम कोन आर्थिक स्थिरतेसाठी उत्तम मानला जातो. त्यामुळे तुमची तिजोरी किंवा कॅश लॉकर याच दिशेला असावे. तिजोरीचे तोंड उत्तर किंवा उत्तर-पूर्व दिशेला उघडेल अशा बेताने ठेवावी, ज्यामुळे धनवृद्धी होण्याची शक्यता वाढते.

घरातील पाण्याचा निचरा किंवा गळती हे आर्थिक नुकसानाचे लक्षण मानले जाते. जर तुमच्या स्वयंपाकघरात, बाथरूममध्ये किंवा बागेतील नळातून पाणी टपकत असेल, तर ते तातडीने दुरुस्त करा. पाण्याचे सतत टपकणे हे धनहानीचे संकेत देणारे मानले जाते.

उत्तर-पूर्व दिशा ही वास्तुशास्त्रात अत्यंत शुभ मानली जाते. जर तुम्हाला घरात फिश टँक (एक्वेरियम), छोटा कारंजे किंवा पाण्याने भरलेले भांडे ठेवायचे असेल, तर ते याच दिशेला ठेवावे. जल तत्व या दिशेला असल्याने घरात सकारात्मक ऊर्जा आणि समृद्धी येते. तसेच, ही दिशा धनदेवता कुबेराशी संबंधित असल्याने हा कोन नेहमी स्वच्छ आणि मोकळा ठेवावा. तिथे जड फर्निचर किंवा भंगार सामान ठेवू नये.

घरात झाडे लावल्याने सकारात्मकता वाढते, विशेषतः मनी प्लांटला समृद्धीचे प्रतीक मानले जाते. वास्तुशास्त्रानुसार मनी प्लांट घराच्या दक्षिण-पूर्व दिशेला लावणे शुभ असते. त्याची हिरवी पाने घराचे सौंदर्य तर वाढवतातच पण वातावरणातही सकारात्मकता निर्माण करतात.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)