Dandruff : भुवयांमधे कोंडा का होतो ? कोंडा घालवण्यासाठी काय करायचं ? घरगुती उपायांचा करता येईल वापर
- Published by:Renuka Joshi
Last Updated:
केसांप्रमाणेच भुवयांमधेही कोंडा होऊ शकतो. भुवयांवर पांढरे डाग दिसतात किंवा पापडी पडते. त्वचा कोरडी झाल्यामुळे हे होतं असा अनेकांचा समज असतो पण प्रत्यक्षात तो कोंडा आहे. तज्ज्ञांच्या मते, तुमच्या भुवयांवर पांढरे डाग बहुतेकदा कोरड्या त्वचेमुळे नव्हे तर कोंडा किंवा सौम्य यीस्ट संसर्गामुळे होतात. भुवयांमधला कोंडा घालवण्यासाठी, काही महत्त्वाच्या टिप्स फॉलो करू शकता.
मुंबई : केसांत कोंडा होणं, कोंड्यामुळे डोक्यात खाज येणं, टाळू कोरडा होणं यावर अनेक उपाय आहेत. तसंच, काहींना भुवयांमधेही कोंडा होतो.
केसांप्रमाणेच भुवयांमधेही कोंडा होऊ शकतो. भुवयांवर पांढरे डाग दिसतात किंवा पापडी पडते. त्वचा कोरडी झाल्यामुळे हे होतं असा अनेकांचा समज असतो पण प्रत्यक्षात तो कोंडा आहे.
तज्ज्ञांच्या मते, तुमच्या भुवयांवर पांढरे डाग बहुतेकदा कोरड्या त्वचेमुळे नव्हे तर कोंडा किंवा सौम्य यीस्ट संसर्गामुळे होतात. भुवयांमधला कोंडा घालवण्यासाठी, काही महत्त्वाच्या टिप्स फॉलो करू शकता.
advertisement
कोंडा हा फक्त डोक्यापुरता मर्यादित नाही. तो केसांच्या कूपांमध्ये कुठेही होऊ शकतो, मग तो टाळू असो किंवा भुवया. हे होण्यामागची सामान्य कारणं म्हणजे थंड आणि कोरडं हवामान, फेस वॉश किंवा मेकअप उत्पादनं, ऍलर्जी आणि त्वचेच्या नैसर्गिक तेल संतुलनात झालेला बिघाड.
advertisement
बदाम तेल - भुवयांमधील कोंडा दूर करण्यासाठी बदाम तेल हा एक प्रभावी घरगुती उपाय आहे. झोपण्यापूर्वी बदाम तेल थोडं कोमट करुन घ्या आणि भुवयांवर हलक्या हातानं मसाज करा. यामुळे हे भुवयांमधला कोंडा कमी होतो तसंच भुवयांचे केस मजबूत होतात आणि केस गळणं थांबतं. सकाळी चेहरा धुवा.
advertisement
कोरफड गर - कोरफडीचा गर त्वचेसाठी वरदान आहे. भुवयांना कोरफडीचा गर लावा आणि काही मिनिटांनी कोमट पाण्यानं स्वच्छ धुवा. त्यातील बुरशीविरोधी गुणधर्मांमुळे खाज येण्याचं प्रमाण कमी होतं.
कडुनिंबाचं तेल - कडुनिंबाचं तेल त्याच्या बॅक्टेरियाच्या वाढीस प्रतिबंध करणारा पदार्थ आणि दाहक-विरोधी गुणधर्मांसाठी ओळखलं जातं. भुवयांना थोडंसं कडुनिंबाचं तेल लावल्यानं मृत त्वचा आणि कोंडा हळूवारपणे बाहेर पडण्यास मदत होते. आठवड्यातून दोनदा याचा वापर करणं फायदेशीर ठरू शकते.
Location :
Mumbai,Maharashtra
First Published :
Feb 03, 2026 10:59 PM IST
मराठी बातम्या/लाइफस्टाईल/
Dandruff : भुवयांमधे कोंडा का होतो ? कोंडा घालवण्यासाठी काय करायचं ? घरगुती उपायांचा करता येईल वापर
