Amravati : सोन्याच्या मिठाईची सर्वत्र चर्चा; किंमत 14 हजार रुपये प्रति किलो, असं काय आहे यात खास?

सोनेरी भोग ही मिठाई राजस्थानच्या स्पेशल कारागिरांनी बनवली आहे. यात मामरा बदाम, पिस्ता, शुध्द केसर, काजू या सर्व वस्तू वापरण्यात आल्या आहेत. त्याचबरोबर 24 कॅरेट सोन्याचा अर्क यावर लावण्यात आलेला आहे. दरवर्षी आम्ही हे प्रयोग करतो आणि ते यशस्वी होतात. दिवाळीच्या दिवशी लक्ष्मीमातेला भोग लावता येईल, या दृष्टिकोनातून या मिठाईचे नाव सोनेरी भोग ठेवले आहे.

ही मिठाई रघुवीर प्रतिष्ठानच्या अमरावतीमधील प्रत्येक शाखेत उपलब्ध आहेत. त्याचबरोबर सांगली आणि मिरज येथील शाखेत सुद्धा उपलब्ध आहे. दिवाळीनिमित्त मिठाईसाठी स्पेशल बॉक्स दिल्ली, मुंबईहून बोलवण्यात आले आहे. तसेच यावर आकर्षक गिफ्ट हॅम्पर्ससुद्धा उपलब्ध आहेत.

कार्पोरेट सेक्टरसाठी सुद्धा त्यांनी नवनवीन आयडिया वापरून गिफ्ट हॅम्पर्स तयार केले आहेत. त्याची ऑर्डर घेतल्या जात आहेत. सोनेरी भोग मिठाईला अमरावती, नागपूर, मुंबई, पुणे, दिल्ली आणि अमेरिकेतून सुद्धा मागणी असल्याची माहिती त्यांनी दिली.