घरच्या घरी बनवा चटपटीत व्हेज मंच्युरियन, नक्की ट्राय करा अगदी सोपी रेसिपी

बारीक चिरलेली कोबी, एक वाटी मक्याचे पीठ, मैदा, लाल तिखट आणि चवीपुरतं मीठ हे साहित्य लागेल.

सर्वप्रथम कोबी बारीक चिरून स्वच्छ धुऊन घ्यावी. चिरलेल्या कोबीमध्ये एक वाटी मक्याचे पीठ, एक वाटी मैदा, लाल तिखट आणि चवीपुरतं मीठ टाकून सगळे मिश्रण एकत्र करून घ्या. या मिश्रणाचा पिठाचा गोळा बनवण्यासाठी त्यामध्ये थोडे पाणी टाकून पुन्हा मळून घ्या. आता तयार झालेले पीठ दहा मिनिटे झाकून ठेवून त्याचे छोटे छोटे गोळे बनवायला घ्या. गॅसवर कढईत तेल गरम करायला ठेवा. तेल गरम झाल्यानंतर हळूहळू बनवलेल्या पिठाचे छोटे छोटे गोळे करून तेलात सोडा. मंच्युरियन सोनेरी रंगाचे होईपर्यंत तळा. आणि त्यानंतर शेजवान चटणी सोबत हे गरमागरम आणि चटपटीत मंच्युरियन तुम्ही खाऊ शकता.