Mumbai Food : चटणी, चुरा पाव आणि अफलातून चव; मुंबईतील कॉलेजजवळच्या या स्टॉलवर रोज लागते प्रचंड गर्दी
Last Updated:
Famous Vadapav Near Kirti College : मुंबईतील किर्ती कॉलेजजवळचा वडा पाव खवय्यांमध्ये प्रचंड लोकप्रिय आहे. खास चटणी, गरमागरम बटाटा भजी आणि मऊ पाव यामुळे या वडा पावची चव प्रत्येकाच्या लक्षात राहते.
मुंबई : मुंबईच्या मध्यवर्ती भागातील दादर म्हटलं की इथली गजबजलेली गर्दी, लोकांची सततची वर्दळ आणि सर्वात महत्त्वाचं म्हणजे इथलं स्ट्रीट फूड लगेच आठवतं. दादर हा भाग केवळ रेल्वे जंक्शन किंवा व्यापारी केंद्र म्हणूनच नाही तर खाद्यप्रेमींसाठी एक खास ओळख निर्माण करून बसलेला परिसर नक्कीच आहे. खासकरून वडापावप्रेमींसाठी दादर म्हणजे जणू एक आवडीचं ठिकाण आहे असं म्हटलं तरी वावगं ठरणार नाही.
मुंबईचं सुपरहिट स्ट्रीट फूड
दादरमध्ये कुठेही चांगला वडापाव कुठे मिळतो? असा प्रश्न विचारला तर अनेक मुंबईकर न चुकता किर्ती कॉलेजजवळील वडापावचं नाव घेतात. वर्षानुवर्षे टिकून असलेली चव, दर्जा आणि ग्राहकांचा विश्वास यामुळे हा वडापाव आजही लोकप्रियतेत आहे. पिढ्यानपिढ्या अनेकांनी इथल्या वडापावची चव अनुभवली असून त्याचा खास ठसा मुंबईकरांच्या मनात कायमचा उमटलेला आहे.
advertisement
सेलिब्रिटींचाही फेव्हरेट वडापाव
किर्ती कॉलेजजवळ मिळणारा 'अशोक वडापाव' हा केवळ एक साधा वडापाव नसून तो एक अविस्मरणीय खाद्यअनुभव आहे. इथं रोजच मोठी गर्दी पाहायला मिळते. कॉलेजमधील विद्यार्थी, आजूबाजूच्या ऑफिसमध्ये काम करणारे नोकरदार तसेच शहरातील अनेक नामांकित व्यक्ती आणि बॉलिवूडमधील सेलिब्रिटीदेखील या वडापावचे चाहते आहेत. त्यामुळेच या वडापावची लोकप्रियता दिवसेंदिवस वाढताना दिसते.
advertisement
एकदा चव घेतली की पुन्हा पुन्हा याल
या वडापावची खरी ओळख म्हणजे त्याची खास लाल चटणी. तिखट, चवदार आणि अगदी योग्य प्रमाणात मसालेदार असलेली ही चटणी वडापावला वेगळीच लज्जत देते. यासोबतच इथं मिळणारा कुरकुरीत चुरा पावदेखील तितकाच प्रसिद्ध आहे. अनेक जण खास हा चुरा पाव खाण्यासाठी इथे येतात.
नावाप्रमाणेच हा वडापाव थोडा हटके असून त्याची चव इतर वडापावांपेक्षा वेगळी आहे. रोज लागणारी गर्दी पाहिली की या वडापावची लोकप्रियता सहज लक्षात येते.
Location :
Mumbai,Maharashtra
First Published :
Jan 09, 2026 3:24 PM IST
मराठी बातम्या/लाइफस्टाईल/Food/
Mumbai Food : चटणी, चुरा पाव आणि अफलातून चव; मुंबईतील कॉलेजजवळच्या या स्टॉलवर रोज लागते प्रचंड गर्दी
