उपवासाची मिसळ खावी तर आप्पाची, पुण्यात 55 वर्षांपासून फेमस आहे हे ठिकाण, Video

पुणे : 'पुणे तिथे काय उणे' या म्हणीप्रमाणे पुण्यातील खाद्य संस्कृती समृद्ध आहे. शहरात काही प्रसिध्द ठिकाणे आहेत जी वर्षानुवर्षे त्यांच्या खाद्यपदार्थांची तीच चव जपत आहेत. पुण्यातील नारायण पेठ येथे असलेल्या आप्पा उपहार गृहाने 55 वर्ष पुणेकरांची पसंती जपली आहे. यामुळे लोकांची गर्दी या ठिकाणी पाहायला मिळते.

नारायण पेठेत असलेल्या आप्पा उपहार गृह हे तिथल्या काकडी खिचडी आणि मटार उसळसाठी प्रसिद्ध आहे. हे आप्पा या नावानेच ओळखले जाते. सोबत या ठिकाणी तुम्हाला उपवासाची मिसळ, खिचडी, मटार उसळ स्लाईस, नुसती मटार उसळ, कोथिंबीर वडी, बटाट वडा चटणी, नुसता वडा असे विविध पदार्थ हे इथले लोकप्रिय पदार्थ आहेत. या ठिकाणाला पुणेकरांची पसंती देखील आहे.

दरम्यान, मी गेली चार ते पाच वर्षे झालं आप्पा उपहार गृह मध्ये येतो. इथली खिचडी काकडी खूप फेमस आहे. इडली सांबर आणि मटार उसळ तर अप्रतिम आहे. यांची चटणी ही वेगळी आहे, अशी माहिती ग्राहक योगेश यांनी दिली.