इथं वडापावसाठी लागतात रांगा, रोज होतेय 4 हजारांवर विक्री, पुण्यातील ठिकाण माहितीये का?

पुणे : महाराष्ट्रात स्ट्रीट फूडमध्ये सर्वात आवडता पदार्थ म्हटलं की वडापाव होय. प्रत्येक शहरातील वडापावची एक वेगळी खासियत असते. तसेच प्रत्येक शहरात वडापावसाठी प्रसिद्ध असणारी काही ठिकाणं असतात. पुण्यातील कँप परिसरात गार्डन वडापाव हे असंच प्रसिद्ध ठिकाण आहे. 1972 मध्ये सुरू झालेला हा वडापावचा स्टॉल भलताच लोकप्रिय आहे. अक्षरश: वडापावसाठी रांगेत उभं राहावं लागतं. येथाल खास चवीमुळं दिवसाला 4 हजारांहून अधिक वडापावची विक्री होते, असं मालक अक्षय नायकू सांगतात.