Solapur Bhakri: सोलापूरची कडक भाकरी बनणार जागतिक ब्रँड, लवकरच ‘जीआय’ मानांकन

सोलापूर चेंबर ऑफ कॉमर्स आणि बचत गटांच्या माध्यमातून ज्वारी आणि बाजरीच्या कडक भाकरीस जीआय मानांकन मिळण्यासाठी प्रयत्न सुरू आहेत. याबाबत फेडरेशन ऑफ इंडियन एक्स्पोर्ट असोसिएशनकडे प्रस्ताव दिला आहे. त्यानुसार फेडरेशन ऑफ इंडियन एक्स्पोर्ट असोसिएशने सर्वेक्षणाचे काम सुरू केले असून सोलापूरच्या ज्वारी आणि बाजरीच्या कडक भाकरीला लवकरच जीआय मानांकन मिळणार आहे.

दरम्यान, जागतिक व्यापार कायद्यानुसार 'जीआय' मानांकन प्राप्त उत्पादने जगभरात आपला ठसा उमटवितात. तसेच जीआय मानांकन मिळाल्यास त्या शहराला व उत्पादनाला जागतिक पातळीवर ओळख मिळते. आता चादर, टेरी टॉवेल नतर सोलापुरी कडक भाकरीला जीआय मानांकन मिळणार असल्याने सोलापूरची नवी ओळख जागतिक पातळीवर होणार आहे.