Health Tips : शुगर फ्री टॅबलेट खाणं योग्य आहे का? जास्त खाल्यास काय होतात दुष्परिणाम?

शुगर फ्री टॅब्लेट्स साखरेसारख्या चवीला गोड असतात मात्र यामध्ये कॅलरीज नसतात. त्यामुळे मधुमेह असलेले लोक याचा मोठ्या प्रमाणावर वापर करतात. मात्र याचे सुद्धा अनेक दुष्परिणाम आहेत. कृत्रिम स्वीटनरच्या अतिवापरामुळे मधुमेह, उच्च रक्तदाब आणि हृदयविकाराचा धोका जास्त प्रमाणात वाढण्याची शक्यता असते. त्याचबरोबर या टॅब्लेट्समुळे वजन वाढणे म्हणजेच लठ्ठपणाचा धोका निर्माण होऊ शकतो. कृत्रिम स्वीटनरचा अतिवापर केल्यास कॅन्सर होण्याचीदेखील शक्यता असते.

शुगर फ्री टॅबलेटमुळे आपल्या भूकेवर परिणाम होतो. याचा पचनसंस्थेवर आणि आतड्यांमध्‍ये असल्‍या बॅक्टेरियावरही विपरीत परिणाम होतो. त्यामुळे आपली पचनक्रिया मंदावते. मात्र यामुळे वजन कमी होत नाही.

कृत्रिम स्वीटनरचे अतिसेवन केल्यास निद्रानाश, अस्वस्थता, चिडचिड, डोकेदुखी किंवा सांधेदुखी यांसारख्या समस्याही उद्भवू शकतात. हल्ली केवळ मधुमेह असलेले लोकच शुगर फ्री टॅब्लेटचा वापर करतात असे नाही. तर इतर लोकही या टॅब्लेटचे सेवन करतात. मात्र कोणत्याही परिस्थिती याचे सेवन करताना डॉक्टरचा सल्ला नक्की घ्यावा.

(सूचना : येथे दिलेली माहिती सामान्य वैद्यकीय माहितीवर आधारित आहे. न्यूज 18 लोकमत त्याची हमी देत नाही.)