वारंवार चक्कर येत असेल व्हा सावध! डॉक्टरांनी दिला गंभीर सल्ला

व्हर्टिगो अटॅकची वेगवेगळी लक्षणं आहेत. मागं पुढं ढकलल्यासारखं होणं, तोल गेल्यासारखं वाटणं, डोकेदुखी, डोळ्यांवर अंधारी आल्यासारखं वाटणं, गोलगोल फिरणं, अशी याची लक्षणं आहेत. यावर आपण वेळीच सावध होऊन डॉक्टरांचा सल्ला घेतला पाहिजे. फिजिशियन अथवा न्यूरो सर्जनकडून योग्य उपचार करून घेतल्यास यावर मात करता येऊ शकते, असं डॉक्टर सांगतात.

सेंट्रल आणि पेरीफेरल असे दोन प्रकार व्हर्टिगोचे आहेत. पेरीफेरल हे कानाच्या आजाराने होतात. सेंट्रल हे मेंदूच्या आजाराने होतात. मल्टीपल स्क्लेरोसिक्स यानेही चक्कर येऊ शकते. तिसरा प्रकार दोन्हीचा मिक्स असतो. पहिला आणि दुसरा मणका याचे आजार, मेंदूच्या आवरणाचा आजार, थायरॉईडचे आजार यामुळे हा होतो. सारखे सारखे फिरल्यासारखे होणे, झोपल्यावर पोझिशन बदलल्यावर चक्कर येणे, त्यानंतर काही सेकंदात ती पुन्हा जाणे अशी लक्षणे यात दिसतात.

व्हर्टिगोची काही लक्षणे दिसताच आपण तत्काळ डॉक्टरांचा सल्ला घ्यावा. त्यांच्या सल्ल्यानुसारच ऑडीओग्राम डोळ्यांच्या बाहुल्यांची तपासणी ( निस्टॅग्मोग्राफी), एमआरआय, मेंदूची अँजिओग्राफी आदी उपयुक्त तपासण्या करून घ्याव्यात, असा सल्ला डॉक्टर देतात.