डिमेन्शिया हा खूपच भयंकर आजार; दही खाल्ल्याने अन् कोडी सोडवल्यानं बरा होतो का?, डॉक्टरांनी सांगितली महत्त्वाची माहिती

रांची : मानवी शरीरात असे अनेक आजार असतात, ज्यांच्यावर उपचार करणे खूप कठीण असते. तर काहींवरील उपचार हासुद्धा खूप आश्चर्यकारक असतो. त्यामध्येच एक आजार म्हणजे डिमेन्शिया म्हणजेच स्मृतिभ्रंश. हा एक गंभीर मानसिक आजार आहे. या आजारात व्यक्तीची स्मरणशक्ती आणि विचार करण्याची आणि समजून घेण्याची क्षमता खूपच कमी होते. त्यावर यावर उपचार कसे करावेत हेच आपण आज जाणून घेऊयात.

हा आजार एक भयंकर असा विकार आहे. यामुळे मेंदूच्या कार्यात हळूहळू घट होते आणि शेवटी व्यक्तीच्या सामान्य जीवनावर परिणाम होतो. या आजाराचा सर्वात सामान्य प्रकार म्हणजे अल्झायमर आहे. हा जगभरातील लाखो लोकांना प्रभावित करतो. झारखंडची राजधानी रांची येथे असलेल्या सेंट्रल इन्स्टिट्यूट ऑफ सायकियाट्रिस्टचे प्राध्यापक आणि डॉ. अविनाश यांनी याबाबत माहिती दिली.

लोकल18 शी बोलताना त्यांनी सांगितले की, डिमेन्शियाचे रुग्ण आपली स्मृती गमावतात. तसेच त्यांना दैनंदिन कामं करण्यासही अडचण होते. हा आजार वेळेनुसार वाढतो आणि यामुळे व्यक्तीच्या सामाजिक आणि कौटुंबिक, वैयक्तिक आयुष्यातही अडचणी निर्माण होतात. काही प्रकरणात तर व्यक्तीची भाषा, निर्णय घेण्याची क्षमता आणि अगदी व्यक्तिमत्वसुद्धा बदलू शकते. तसेच या स्थितीवर कोणताही निश्चित उपचार नाही. मात्र, त्याची लक्षणे नियंत्रित केली जाऊ शकतात, असेही त्यांनी सांगितले.