Health Tips : शिळे अन्न खाताय? तर आताच ही सवय थांबा, नाहीतर होतील हे गंभीर परिणाम

काही काळानंतर कुठल्याही पदार्थातील नैसर्गिक गुण बदलतात. अन्नातील जीवनसत्त्वे (व्हिटॅमिन्स) कमी होतात. प्रथिने आणि खनिजे नष्ट होतात. तेलकट पदार्थांमध्ये दुर्गंधी येते. यामुळे अन्न पौष्टिक न राहता अपायकारक ठरते. शिळ्या अन्नामध्ये बॅक्टेरिया, फंगस आणि इतर सूक्ष्मजीव झपाट्याने वाढतात. विशेषतः भात, आमटी, उसळ, दूध, दही, मांसाहार यामध्ये जंतुसंसर्गाचा धोका अधिक असतो. हे जंतू शरीरात गेल्यास ताप, अंगदुखी, अशक्तपणा जाणवू शकतो.

आरोग्यतज्ज्ञांच्या मते, शक्यतो ताजे आणि गरम अन्नच खावे. उरलेले अन्न योग्य पद्धतीने झाकून ठेवावे. वास, चव किंवा रंग बदललेले अन्न टाळावे. फ्रिजमध्ये ठेवलेले अन्न पुन्हा गरम करूनच खावे. चव किंवा वेळ वाचवण्याच्या नादात शिळे अन्न खाणे आरोग्यासाठी महागात पडू शकते. त्यामुळे आरोग्य जपण्यासाठी शिळ्या अन्नापासून दूर राहणे आणि ताज्या, पौष्टिक आहाराला प्राधान्य देणे आवश्यक आहे.